भगवद्गीता · अध्याय 17 / 18

श्रद्धात्रयविभागयोग — श्रद्धात्रय विभाग योग

28 श्लोक

सभी 28 श्लोक

1. 17.1 · अर्जुन

   ये शास्त्रविधिमुत्सृज्य यजन्ते श्रद्धयान्विताः ।
   तेषां निष्ठा तु का कृष्ण सत्त्वमाहो रजस्तमः ॥

   ye śāstravidhimutsṛjya yajante śraddhayānvitāḥ |
   teṣāṃ niṣṭhā tu kā kṛṣṇa sattvamāho rajastamaḥ ||

   अर्जुन बोले: हे कृष्ण, जो लोग शास्त्र के विधान को छोड़कर, पर श्रद्धा से युक्त होकर पूजा करते हैं, उनकी निष्ठा कैसी है — सात्त्विक, राजस या तामस?

2. 17.2 · श्रीकृष्ण

   त्रिविधा भवति श्रद्धा देहिनां सा स्वभावजा ।
   सात्त्विकी राजसी चैव तामसी चेति तां शृणु ॥

   trividhā bhavati śraddhā dehināṃ sā svabhāvajā |
   sāttvikī rājasī caiva tāmasī ceti tāṃ śṛṇu ||

   श्रीभगवान बोले: देहधारियों की श्रद्धा तीन प्रकार की होती है, जो उनके स्वभाव से उत्पन्न होती है — सात्त्विक, राजस और तामस। उसके बारे में सुनो।

3. 17.3 · श्रीकृष्ण

   सत्त्वानुरूपा सर्वस्य श्रद्धा भवति भारत ।
   श्रद्धामयोऽयं पुरुषो यो यच्छ्रद्धः स एव सः ॥

   sattvānurūpā sarvasya śraddhā bhavati bhārata |
   śraddhāmayo’yaṃ puruṣo yo yacchraddhaḥ sa eva saḥ ||

   हे भारत, हर व्यक्ति की श्रद्धा उसके अन्तःकरण के अनुरूप होती है। मनुष्य श्रद्धामय है; जिसकी जैसी श्रद्धा है, वह वैसा ही है।

4. 17.4 · श्रीकृष्ण

   यजन्ते सात्त्विका देवान्यक्षरक्षांसि राजसाः ।
   प्रेतान्भूतगणांश्चान्ये यजन्ते तामसा जनाः ॥

   yajante sāttvikā devānyakṣarakṣāṃsi rājasāḥ |
   pretānbhūtagaṇāṃścānye yajante tāmasā janāḥ ||

   सात्त्विक लोग देवताओं को पूजते हैं, राजस लोग यक्षों और राक्षसों को, और दूसरे तामस लोग प्रेतों और भूतगणों को पूजते हैं।

5. 17.5 · श्रीकृष्ण

   अशास्त्रविहितं घोरं तप्यन्ते ये तपो जनाः ।
   दम्भाहंकारसंयुक्ताः कामरागबलान्विताः ॥

   aśāstravihitaṃ ghoraṃ tapyante ye tapo janāḥ |
   dambhāhaṃkārasaṃyuktāḥ kāmarāgabalānvitāḥ ||

   जो लोग शास्त्र में न बताए गए घोर तप करते हैं, दम्भ और अहंकार से भरे होते हैं, और कामना, आसक्ति तथा बल के अभिमान से प्रेरित होते हैं —

6. 17.6 · श्रीकृष्ण

   कर्षयन्तः शरीरस्थं भूतग्राममचेतसः ।
   मां चैवान्तःशरीरस्थं तान्विद्ध्यासुरनिश्चयान् ॥

   karṣayantaḥ śarīrasthaṃ bhūtagrāmamacetasaḥ |
   māṃ caivāntaḥśarīrasthaṃ tānviddhyāsuraniścayān ||

   — जो विवेकहीन होकर शरीर में स्थित तत्त्वों को, और शरीर के भीतर रहने वाले मुझको भी कष्ट देते हैं — उन्हें आसुरी निश्चय वाला जानो।

7. 17.7 · श्रीकृष्ण

   आहारस्त्वपि सर्वस्य त्रिविधो भवति प्रियः ।
   यज्ञस्तपस्तथा दानं तेषां भेदमिमं शृणु ॥

   āhārastvapi sarvasya trividho bhavati priyaḥ |
   yajñastapastathā dānaṃ teṣāṃ bhedamimaṃ śṛṇu ||

   सबको प्रिय लगने वाला भोजन भी तीन प्रकार का होता है, और वैसे ही यज्ञ, तप और दान भी। इनका यह भेद सुनो।

8. 17.8 · श्रीकृष्ण

   आयुःसत्त्वबलारोग्यसुखप्रीतिविवर्धनाः ।
   रस्याः स्निग्धाः स्थिरा हृद्या आहाराः सात्त्विकप्रियाः ॥

   āyuḥsattvabalārogyasukhaprītivivardhanāḥ |
   rasyāḥ snigdhāḥ sthirā hṛdyā āhārāḥ sāttvikapriyāḥ ||

   आयु, सत्त्व, बल, आरोग्य, सुख और प्रसन्नता बढ़ाने वाले, रसीले, स्निग्ध, देर तक पोषण देने वाले और मन को भाने वाले भोजन सात्त्विक लोगों को प्रिय होते हैं।

9. 17.9 · श्रीकृष्ण

   कट्‌वम्ललवणात्युष्णतीक्ष्णरूक्षविदाहिनः ।
   आहारा राजसस्येष्टा दुःखशोकामयप्रदाः ॥

   kaṭ‌vamlalavaṇātyuṣṇatīkṣṇarūkṣavidāhinaḥ |
   āhārā rājasasyeṣṭā duḥkhaśokāmayapradāḥ ||

   बहुत कड़वे, खट्टे, नमकीन, अधिक गरम, तीखे, रूखे और जलन पैदा करने वाले भोजन राजस लोगों को प्रिय होते हैं; ये दुःख, शोक और रोग देते हैं।

10. 17.10 · श्रीकृष्ण

    यातयामं गतरसं पूति पर्युषितं च यत् ।
    उच्छिष्टमपि चामेध्यं भोजनं तामसप्रियम् ॥

    yātayāmaṃ gatarasaṃ pūti paryuṣitaṃ ca yat |
    ucchiṣṭamapi cāmedhyaṃ bhojanaṃ tāmasapriyam ||

    जो भोजन बासी, बेस्वाद, सड़ा हुआ और रात भर रखा हुआ हो, जो जूठा हो और अपवित्र हो, वह तामस लोगों को प्रिय होता है।

11. 17.11 · श्रीकृष्ण

    अफलाकाङ्क्षिभिर्यज्ञो विधिदृष्टो य इज्यते ।
    यष्टव्यमेवेति मनः समाधाय स सात्त्विकः ॥

    aphalākāṅkṣibhiryajño vidhidṛṣṭo ya ijyate |
    yaṣṭavyameveti manaḥ samādhāya sa sāttvikaḥ ||

    जो यज्ञ फल की इच्छा न रखने वाले लोग शास्त्र-विधि के अनुसार, मन में यह निश्चय करके करते हैं कि इसे करना ही कर्तव्य है, वह सात्त्विक है।

12. 17.12 · श्रीकृष्ण

    अभिसंधाय तु फलं दम्भार्थमपि चैव यत् ।
    इज्यते भरतश्रेष्ठ तं यज्ञं विद्धि राजसम् ॥

    abhisaṃdhāya tu phalaṃ dambhārthamapi caiva yat |
    ijyate bharataśreṣṭha taṃ yajñaṃ viddhi rājasam ||

    पर हे भरतश्रेष्ठ, जो यज्ञ फल को ध्यान में रखकर, या केवल दिखावे के लिए किया जाता है, उसे राजस जानो।

13. 17.13 · श्रीकृष्ण

    विधिहीनमसृष्टान्नं मन्त्रहीनमदक्षिणम् ।
    श्रद्धाविरहितं यज्ञं तामसं परिचक्षते ॥

    vidhihīnamasṛṣṭānnaṃ mantrahīnamadakṣiṇam |
    śraddhāvirahitaṃ yajñaṃ tāmasaṃ paricakṣate ||

    जो यज्ञ विधि के बिना, अन्नदान के बिना, मन्त्रों के बिना, दक्षिणा के बिना और श्रद्धा के बिना किया जाता है, उसे तामस कहा जाता है।

14. 17.14 · श्रीकृष्ण

    देवद्विजगुरुप्राज्ञपूजनं शौचमार्जवम् ।
    ब्रह्मचर्यमहिंसा च शारीरं तप उच्यते ॥

    devadvijaguruprājñapūjanaṃ śaucamārjavam |
    brahmacaryamahiṃsā ca śārīraṃ tapa ucyate ||

    देवता, द्विज, गुरु और ज्ञानी जनों का आदर, पवित्रता, सरलता, ब्रह्मचर्य और अहिंसा — यह शरीर का तप कहलाता है।

15. 17.15 · श्रीकृष्ण

    अनुद्वेगकरं वाक्यं सत्यं प्रियहितं च यत् ।
    स्वाध्यायाभ्यसनं चैव वाङ्मयं तप उच्यते ॥

    anudvegakaraṃ vākyaṃ satyaṃ priyahitaṃ ca yat |
    svādhyāyābhyasanaṃ caiva vāṅmayaṃ tapa ucyate ||

    ऐसी वाणी जो किसी को उद्विग्न न करे, सच्ची हो, प्रिय हो और हितकारी हो, साथ ही स्वाध्याय का नियमित अभ्यास — यह वाणी का तप कहलाता है।

16. 17.16 · श्रीकृष्ण

    मनः प्रसादः सौम्यत्वं मौनमात्मविनिग्रहः ।
    भावसंशुद्धिरित्येतत्तपो मानसमुच्यते ॥

    manaḥ prasādaḥ saumyatvaṃ maunamātmavinigrahaḥ |
    bhāvasaṃśuddhirityetattapo mānasamucyate ||

    मन की प्रसन्नता, सौम्यता, मौन, आत्म-संयम और भावों की शुद्धि — यह मन का तप कहलाता है।

17. 17.17 · श्रीकृष्ण

    श्रद्धया परया तप्तं तपस्तत्त्रिविधं नरैः ।
    अफलाकाङ्क्षिभिर्युक्तैः सात्त्विकं परिचक्षते ॥

    śraddhayā parayā taptaṃ tapastattrividhaṃ naraiḥ |
    aphalākāṅkṣibhiryuktaiḥ sāttvikaṃ paricakṣate ||

    फल की इच्छा न रखने वाले, एकाग्र मनुष्यों द्वारा परम श्रद्धा से किया गया यह तीन प्रकार का तप सात्त्विक कहलाता है।

18. 17.18 · श्रीकृष्ण

    सत्कारमानपूजार्थं तपो दम्भेन चैव यत् ।
    क्रियते तदिह प्रोक्तं राजसं चलमध्रुवम् ॥

    satkāramānapūjārthaṃ tapo dambhena caiva yat |
    kriyate tadiha proktaṃ rājasaṃ calamadhruvam ||

    जो तप सत्कार, मान और पूजा पाने के लिए, या दम्भ से किया जाता है, उसे यहाँ राजस कहा गया है; वह अस्थिर और क्षणिक होता है।

19. 17.19 · श्रीकृष्ण

    मूढग्राहेणात्मनो यत्पीडया क्रियते तपः ।
    परस्योत्सादनार्थं वा तत्तामसमुदाहृतम् ॥

    mūḍhagrāheṇātmano yatpīḍayā kriyate tapaḥ |
    parasyotsādanārthaṃ vā tattāmasamudāhṛtam ||

    जो तप मूर्खतापूर्ण हठ से, अपने को पीड़ा देकर, या किसी दूसरे का अनिष्ट करने के लिए किया जाता है, वह तामस कहलाता है।

20. 17.20 · श्रीकृष्ण

    दातव्यमिति यद्दानं दीयतेऽनुपकारिणे ।
    देशे काले च पात्रे च तद्दानं सात्त्विकं स्मृतम् ॥

    dātavyamiti yaddānaṃ dīyate’nupakāriṇe |
    deśe kāle ca pātre ca taddānaṃ sāttvikaṃ smṛtam ||

    जो दान केवल यह मानकर दिया जाता है कि देना कर्तव्य है, ऐसे व्यक्ति को जिससे बदले में कुछ अपेक्षा न हो, और उचित स्थान, समय और पात्र देखकर दिया जाता है — वह दान सात्त्विक माना गया है।

21. 17.21 · श्रीकृष्ण

    यत्तु प्रत्युपकारार्थं फलमुद्दिश्य वा पुनः ।
    दीयते च परिक्लिष्टं तद्दानं राजसं स्मृतम् ॥

    yattu pratyupakārārthaṃ phalamuddiśya vā punaḥ |
    dīyate ca parikliṣṭaṃ taddānaṃ rājasaṃ smṛtam ||

    पर जो दान बदले में कुछ पाने के लिए, या फल को ध्यान में रखकर, या मन मारकर दिया जाता है, वह दान राजस माना गया है।

22. 17.22 · श्रीकृष्ण

    अदेशकाले यद्दानमपात्रेभ्यश्च दीयते ।
    असत्कृतमवज्ञातं तत्तामसमुदाहृतम् ॥

    adeśakāle yaddānamapātrebhyaśca dīyate |
    asatkṛtamavajñātaṃ tattāmasamudāhṛtam ||

    जो दान अनुचित स्थान और समय पर, अयोग्य लोगों को, बिना आदर के या तिरस्कार के साथ दिया जाता है, वह तामस कहा गया है।

23. 17.23 · श्रीकृष्ण

    ॐतत्सदिति निर्देशो ब्रह्मणस्त्रिविधः स्मृतः ।
    ब्राह्मणास्तेन वेदाश्च यज्ञाश्च विहिताः पुरा ॥

    oṃtatsaditi nirdeśo brahmaṇastrividhaḥ smṛtaḥ |
    brāhmaṇāstena vedāśca yajñāśca vihitāḥ purā ||

    “ॐ तत् सत्” — ये तीन शब्द ब्रह्म के नाम माने गए हैं। इन्हीं से प्राचीन काल में ब्राह्मण, वेद और यज्ञ रचे गए।

24. 17.24 · श्रीकृष्ण

    तस्मादोमित्युदाहृत्य यज्ञदानतपःक्रियाः ।
    प्रवर्तन्ते विधानोक्ताः सततं ब्रह्मवादिनाम् ॥

    tasmādomityudāhṛtya yajñadānatapaḥkriyāḥ |
    pravartante vidhānoktāḥ satataṃ brahmavādinām ||

    इसलिए ब्रह्म के उपासक शास्त्र में बताए गए यज्ञ, दान और तप के कर्म सदा “ॐ” का उच्चारण करके ही आरम्भ करते हैं।

25. 17.25 · श्रीकृष्ण

    तदित्यनभिसन्धाय फलं यज्ञतपःक्रियाः ।
    दानक्रियाश्च विविधाः क्रियन्ते मोक्षकाङ्क्षिभिः ॥

    tadityanabhisandhāya phalaṃ yajñatapaḥkriyāḥ |
    dānakriyāśca vividhāḥ kriyante mokṣakāṅkṣibhiḥ ||

    मोक्ष चाहने वाले लोग “तत्” का उच्चारण करके, फल की इच्छा छोड़कर, यज्ञ, तप और दान के विभिन्न कर्म करते हैं।

26. 17.26 · श्रीकृष्ण

    सद्भावे साधुभावे च सदित्येतत्प्रयुज्यते ।
    प्रशस्ते कर्मणि तथा सच्छब्दः पार्थ युज्यते ॥

    sadbhāve sādhubhāve ca sadityetatprayujyate |
    praśaste karmaṇi tathā sacchabdaḥ pārtha yujyate ||

    हे पार्थ, “सत्” शब्द का प्रयोग सत्यता और भलाई के अर्थ में होता है; और प्रशंसनीय कर्म के लिए भी “सत्” शब्द का प्रयोग किया जाता है।

27. 17.27 · श्रीकृष्ण

    यज्ञे तपसि दाने च स्थितिः सदिति चोच्यते ।
    कर्म चैव तदर्थीयं सदित्येवाभिधीयते ॥

    yajñe tapasi dāne ca sthitiḥ saditi cocyate |
    karma caiva tadarthīyaṃ sadityevābhidhīyate ||

    यज्ञ, तप और दान में दृढ़ता को भी “सत्” कहा जाता है, और उसी उद्देश्य से किया गया कर्म भी “सत्” ही कहलाता है।

28. 17.28 · श्रीकृष्ण

    अश्रद्धया हुतं दत्तं तपस्तप्तं कृतं च यत् ।
    असदित्युच्यते पार्थ न च तत्प्रेत्य नो इह ॥

    aśraddhayā hutaṃ dattaṃ tapastaptaṃ kṛtaṃ ca yat |
    asadityucyate pārtha na ca tatpretya no iha ||

    हे पार्थ, बिना श्रद्धा के जो भी हवन किया जाए, दान दिया जाए, तप किया जाए या कोई कर्म किया जाए, वह “असत्” कहलाता है; उसका न इस लोक में कोई फल है, न परलोक में।