Bhagavad Gita · Chapter 10 of 18

Vibhuti Yoga

विभूतियोग — The Yoga of Divine Manifestations · 42 verses

All 42 verses

Sanskrit, transliteration and English meaning for every verse.

1. 10.1 · Krishna

   भूय एव महाबाहो शृणु मे परमं वचः ।
   यत्तेऽहं प्रीयमाणाय वक्ष्यामि हितकाम्यया ॥

   bhūya eva mahābāho śṛṇu me paramaṃ vacaḥ |
   yatte’haṃ prīyamāṇāya vakṣyāmi hitakāmyayā ||

   The Lord said: Listen once more, mighty-armed one, to my supreme word, which I will speak to you, who take delight in it, out of my wish for your good.

2. 10.2 · Krishna

   न मे विदुः सुरगणाः प्रभवं न महर्षयः ।
   अहमादिर्हि देवानां महर्षीणां च सर्वशः ॥

   na me viduḥ suragaṇāḥ prabhavaṃ na maharṣayaḥ |
   ahamādirhi devānāṃ maharṣīṇāṃ ca sarvaśaḥ ||

   Neither the hosts of gods nor the great sages know my origin; for in every way I am the source of the gods and of the great sages.

3. 10.3 · Krishna

   यो मामजमनादिं च वेत्ति लोकमहेश्वरम् ।
   असंमूढः स मर्त्येषु सर्वपापैः प्रमुच्यते ॥

   yo māmajamanādiṃ ca vetti lokamaheśvaram |
   asaṃmūḍhaḥ sa martyeṣu sarvapāpaiḥ pramucyate ||

   One who knows me as unborn and without beginning, the great Lord of the worlds, is free from delusion among mortals and is released from all sins.

4. 10.4 · Krishna

   बुद्धिर्ज्ञानमसंमोहः क्षमा सत्यं दमः शमः ।
   सुखं दुःखं भवोऽभावो भयं चाभयमेव च ॥

   buddhirjñānamasaṃmohaḥ kṣamā satyaṃ damaḥ śamaḥ |
   sukhaṃ duḥkhaṃ bhavo’bhāvo bhayaṃ cābhayameva ca ||

   Intelligence, knowledge, clarity of mind, patience, truthfulness, self-restraint, calm; pleasure and pain, coming into being and passing away, fear and fearlessness —

5. 10.5 · Krishna

   अहिंसा समता तुष्टिस्तपो दानं यशोऽयशः ।
   भवन्ति भावा भूतानां मत्त एव पृथग्विधाः ॥

   ahiṃsā samatā tuṣṭistapo dānaṃ yaśo’yaśaḥ |
   bhavanti bhāvā bhūtānāṃ matta eva pṛthagvidhāḥ ||

   — non-violence, equanimity, contentment, austerity, generosity, fame and infamy: these varied states of beings arise from me alone.

6. 10.6 · Krishna

   महर्षयः सप्त पूर्वे चत्वारो मनवस्तथा ।
   मद्भावा मानसा जाता येषां लोक इमाः प्रजाः ॥

   maharṣayaḥ sapta pūrve catvāro manavastathā |
   madbhāvā mānasā jātā yeṣāṃ loka imāḥ prajāḥ ||

   The seven great sages of old and the four Manus too were born of my being, from my mind; from them have come all the creatures of this world.

7. 10.7 · Krishna

   एतां विभूतिं योगं च मम यो वेत्ति तत्त्वतः ।
   सोऽविकम्पेन योगेन युज्यते नात्र संशयः ॥

   etāṃ vibhūtiṃ yogaṃ ca mama yo vetti tattvataḥ |
   so’vikampena yogena yujyate nātra saṃśayaḥ ||

   One who truly knows this glory (vibhuti) and power of mine is united with me in unwavering yoga; of this there is no doubt.

8. 10.8 · Krishna

   अहं सर्वस्य प्रभवो मत्तः सर्वं प्रवर्तते ।
   इति मत्वा भजन्ते मां बुधा भावसमन्विताः ॥

   ahaṃ sarvasya prabhavo mattaḥ sarvaṃ pravartate |
   iti matvā bhajante māṃ budhā bhāvasamanvitāḥ ||

   I am the origin of all; from me everything comes forth. Understanding this, the wise worship me, filled with love.

9. 10.9 · Krishna

   मच्चित्ता मद्गतप्राणा बोधयन्तः परस्परम् ।
   कथयन्तश्च मां नित्यं तुष्यन्ति च रमन्ति च ॥

   maccittā madgataprāṇā bodhayantaḥ parasparam |
   kathayantaśca māṃ nityaṃ tuṣyanti ca ramanti ca ||

   With their thoughts on me and their lives given to me, enlightening one another and always speaking of me, they are content and full of joy.

10. 10.10 · Krishna

    तेषां सततयुक्तानां भजतां प्रीतिपूर्वकम् ।
    ददामि बुद्धियोगं तं येन मामुपयान्ति ते ॥

    teṣāṃ satatayuktānāṃ bhajatāṃ prītipūrvakam |
    dadāmi buddhiyogaṃ taṃ yena māmupayānti te ||

    To those who are ever steadfast and worship me with love, I give the yoga of understanding by which they come to me.

11. 10.11 · Krishna

    तेषामेवानुकम्पार्थमहमज्ञानजं तमः ।
    नाशयाम्यात्मभावस्थो ज्ञानदीपेन भास्वता ॥

    teṣāmevānukampārthamahamajñānajaṃ tamaḥ |
    nāśayāmyātmabhāvastho jñānadīpena bhāsvatā ||

    Out of compassion for them, I who dwell within their hearts destroy the darkness born of ignorance with the shining lamp of knowledge.

12. 10.12 · Arjuna

    परं ब्रह्म परं धाम पवित्रं परमं भवान् ।
    पुरुषं शाश्वतं दिव्यमादिदेवमजं विभुम् ॥

    paraṃ brahma paraṃ dhāma pavitraṃ paramaṃ bhavān |
    puruṣaṃ śāśvataṃ divyamādidevamajaṃ vibhum ||

    Arjuna said: You are the supreme Brahman, the supreme abode, the supreme purifier — the eternal divine Person, the first of the gods, unborn and all-pervading.

13. 10.13 · Arjuna

    आहुस्त्वामृषयः सर्वे देवर्षिर्नारदस्तथा ।
    असितो देवलो व्यासः स्वयं चैव ब्रवीषि मे ॥

    āhustvāmṛṣayaḥ sarve devarṣirnāradastathā |
    asito devalo vyāsaḥ svayaṃ caiva bravīṣi me ||

    So all the sages declare you to be — the divine sage Narada, and Asita, Devala and Vyasa — and now you tell me so yourself.

14. 10.14 · Arjuna

    सर्वमेतदृतं मन्ये यन्मां वदसि केशव ।
    न हि ते भगवन्व्यक्तिं विदुर्देवा न दानवाः ॥

    sarvametadṛtaṃ manye yanmāṃ vadasi keśava |
    na hi te bhagavanvyaktiṃ vidurdevā na dānavāḥ ||

    All that you tell me, Keshava, I accept as true. Neither the gods nor the demons, Lord, understand your manifestation.

15. 10.15 · Arjuna

    स्वयमेवात्मनात्मानं वेत्थ त्वं पुरुषोत्तम ।
    भूतभावन भूतेश देवदेव जगत्पते ॥

    svayamevātmanātmānaṃ vettha tvaṃ puruṣottama |
    bhūtabhāvana bhūteśa devadeva jagatpate ||

    You alone know yourself through yourself, highest of persons — source of beings, lord of beings, god of gods, master of the universe.

16. 10.16 · Arjuna

    वक्तुमर्हस्यशेषेण दिव्या ह्यात्मविभूतयः ।
    याभिर्विभूतिभिर्लोकानिमांस्त्वं व्याप्य तिष्ठसि ॥

    vaktumarhasyaśeṣeṇa divyā hyātmavibhūtayaḥ |
    yābhirvibhūtibhirlokānimāṃstvaṃ vyāpya tiṣṭhasi ||

    Please tell me fully of your own divine glories, through which you pervade these worlds and abide in them.

17. 10.17 · Arjuna

    कथं विद्यामहं योगिंस्त्वां सदा परिचिन्तयन् ।
    केषु केषु च भावेषु चिन्त्योऽसि भगवन्मया ॥

    kathaṃ vidyāmahaṃ yogiṃstvāṃ sadā paricintayan |
    keṣu keṣu ca bhāveṣu cintyo’si bhagavanmayā ||

    How may I come to know you, master of yoga, by meditating on you constantly? In what various forms of being should I think of you, Lord?

18. 10.18 · Arjuna

    विस्तरेणात्मनो योगं विभूतिं च जनार्दन ।
    भूयः कथय तृप्तिर्हि शृण्वतो नास्ति मेऽमृतम् ॥

    vistareṇātmano yogaṃ vibhūtiṃ ca janārdana |
    bhūyaḥ kathaya tṛptirhi śṛṇvato nāsti me’mṛtam ||

    Tell me again in detail of your power and your glory, Janardana; for I am never satisfied with hearing your nectar-like words.

19. 10.19 · Krishna

    हन्त ते कथयिष्यामि दिव्या ह्यात्मविभूतयः ।
    प्राधान्यतः कुरुश्रेष्ठ नास्त्यन्तो विस्तरस्य मे ॥

    hanta te kathayiṣyāmi divyā hyātmavibhūtayaḥ |
    prādhānyataḥ kuruśreṣṭha nāstyanto vistarasya me ||

    The Lord said: Very well, I will tell you of my divine glories — but only the chief ones, best of the Kurus, for there is no end to their extent.

20. 10.20 · Krishna · key verse

    अहमात्मा गुडाकेश सर्वभूताशयस्थितः ।
    अहमादिश्च मध्यं च भूतानामन्त एव च ॥

    ahamātmā guḍākeśa sarvabhūtāśayasthitaḥ |
    ahamādiśca madhyaṃ ca bhūtānāmanta eva ca ||

    I am the Self, Arjuna, seated in the heart of all beings. I am the beginning, the middle and the end of all beings.

21. 10.21 · Krishna

    आदित्यानामहं विष्णुर्ज्योतिषां रविरंशुमान् ।
    मरीचिर्मरुतामस्मि नक्षत्राणामहं शशी ॥

    ādityānāmahaṃ viṣṇurjyotiṣāṃ raviraṃśumān |
    marīcirmarutāmasmi nakṣatrāṇāmahaṃ śaśī ||

    Among the Adityas I am Vishnu; among lights, the radiant sun; among the Maruts I am Marici; among the stars, the moon.

22. 10.22 · Krishna

    वेदानां सामवेदोऽस्मि देवानामस्मि वासवः ।
    इन्द्रियाणां मनश्चास्मि भूतानामस्मि चेतना ॥

    vedānāṃ sāmavedo’smi devānāmasmi vāsavaḥ |
    indriyāṇāṃ manaścāsmi bhūtānāmasmi cetanā ||

    Among the Vedas I am the Sama Veda; among the gods, Indra; among the senses I am the mind; and in living beings I am consciousness.

23. 10.23 · Krishna

    रुद्राणां शंकरश्चास्मि वित्तेशो यक्षरक्षसाम् ।
    वसूनां पावकश्चास्मि मेरुः शिखरिणामहम् ॥

    rudrāṇāṃ śaṃkaraścāsmi vitteśo yakṣarakṣasām |
    vasūnāṃ pāvakaścāsmi meruḥ śikhariṇāmaham ||

    Among the Rudras I am Shankara; among the yakshas and rakshasas, Kubera, lord of wealth; among the Vasus I am fire; among the mountain peaks, Meru.

24. 10.24 · Krishna

    पुरोधसां च मुख्यं मां विद्धि पार्थ बृहस्पतिम् ।
    सेनानीनामहं स्कन्दः सरसामस्मि सागरः ॥

    purodhasāṃ ca mukhyaṃ māṃ viddhi pārtha bṛhaspatim |
    senānīnāmahaṃ skandaḥ sarasāmasmi sāgaraḥ ||

    Among priests, son of Pritha, know me to be the chief, Brihaspati; among commanders I am Skanda; among bodies of water, the ocean.

25. 10.25 · Krishna

    महर्षीणां भृगुरहं गिरामस्म्येकमक्षरम् ।
    यज्ञानां जपयज्ञोऽस्मि स्थावराणां हिमालयः ॥

    maharṣīṇāṃ bhṛgurahaṃ girāmasmyekamakṣaram |
    yajñānāṃ japayajño’smi sthāvarāṇāṃ himālayaḥ ||

    Among the great sages I am Bhrigu; among words, the single syllable Om; among sacrifices I am the sacrifice of silent repetition (japa); among immovable things, the Himalaya.

26. 10.26 · Krishna

    अश्वत्थः सर्ववृक्षाणां देवर्षीणां च नारदः ।
    गन्धर्वाणां चित्ररथः सिद्धानां कपिलो मुनिः ॥

    aśvatthaḥ sarvavṛkṣāṇāṃ devarṣīṇāṃ ca nāradaḥ |
    gandharvāṇāṃ citrarathaḥ siddhānāṃ kapilo muniḥ ||

    Among all trees I am the sacred fig (ashvattha); among divine sages, Narada; among the gandharvas, Citraratha; among the perfected ones, the sage Kapila.

27. 10.27 · Krishna

    उच्चैःश्रवसमश्वानां विद्धि माममृतोद्भवम् ।
    ऐरावतं गजेन्द्राणां नराणां च नराधिपम् ॥

    uccaiḥśravasamaśvānāṃ viddhi māmamṛtodbhavam |
    airāvataṃ gajendrāṇāṃ narāṇāṃ ca narādhipam ||

    Among horses know me as Uccaihshravas, born of the nectar of immortality; among lordly elephants, Airavata; and among men, the king.

28. 10.28 · Krishna

    आयुधानामहं वज्रं धेनूनामस्मि कामधुक् ।
    प्रजनश्चास्मि कन्दर्पः सर्पाणामस्मि वासुकिः ॥

    āyudhānāmahaṃ vajraṃ dhenūnāmasmi kāmadhuk |
    prajanaścāsmi kandarpaḥ sarpāṇāmasmi vāsukiḥ ||

    Among weapons I am the thunderbolt; among cows, the wish-fulfilling cow; I am Kandarpa, the god of love who brings forth offspring; among serpents I am Vasuki.

29. 10.29 · Krishna

    अनन्तश्चास्मि नागानां वरुणो यादसामहम् ।
    पितॄणामर्यमा चास्मि यमः संयमतामहम् ॥

    anantaścāsmi nāgānāṃ varuṇo yādasāmaham |
    pitṝṇāmaryamā cāsmi yamaḥ saṃyamatāmaham ||

    Among the nagas I am Ananta; among the beings of the waters, Varuna; among the ancestors I am Aryaman; among those who keep order, Yama.

30. 10.30 · Krishna

    प्रह्लादश्चास्मि दैत्यानां कालः कलयतामहम् ।
    मृगाणां च मृगेन्द्रोऽहं वैनतेयश्च पक्षिणाम् ॥

    prahlādaścāsmi daityānāṃ kālaḥ kalayatāmaham |
    mṛgāṇāṃ ca mṛgendro’haṃ vainateyaśca pakṣiṇām ||

    Among the daityas I am Prahlada; among those who measure, I am time; among beasts I am the lion; and among birds, Garuda, son of Vinata.

31. 10.31 · Krishna

    पवनः पवतामस्मि रामः शस्त्रभृतामहम् ।
    झषाणां मकरश्चास्मि स्रोतसामस्मि जाह्नवी ॥

    pavanaḥ pavatāmasmi rāmaḥ śastrabhṛtāmaham |
    jhaṣāṇāṃ makaraścāsmi srotasāmasmi jāhnavī ||

    Among purifiers I am the wind; among those who bear arms, Rama; among sea creatures I am the makara; among rivers, the Ganga.

32. 10.32 · Krishna

    सर्गाणामादिरन्तश्च मध्यं चैवाहमर्जुन ।
    अध्यात्मविद्या विद्यानां वादः प्रवदतामहम् ॥

    sargāṇāmādirantaśca madhyaṃ caivāhamarjuna |
    adhyātmavidyā vidyānāṃ vādaḥ pravadatāmaham ||

    Of all creations I am the beginning, the end and also the middle, Arjuna. Among sciences I am the knowledge of the Self; among those who debate, I am the reasoning.

33. 10.33 · Krishna

    अक्षराणामकारोऽस्मि द्वन्द्वः सामासिकस्य च ।
    अहमेवाक्षयः कालो धाताहं विश्वतोमुखः ॥

    akṣarāṇāmakāro’smi dvandvaḥ sāmāsikasya ca |
    ahamevākṣayaḥ kālo dhātāhaṃ viśvatomukhaḥ ||

    Among letters I am the letter A; among compound words, the dvandva (the pairing compound). I alone am inexhaustible time; I am the sustainer whose face is turned everywhere.

34. 10.34 · Krishna

    मृत्युः सर्वहरश्चाहमुद्भवश्च भविष्यताम् ।
    कीर्तिः श्रीर्वाक्च नारीणां स्मृतिर्मेधा धृतिः क्षमा ॥

    mṛtyuḥ sarvaharaścāhamudbhavaśca bhaviṣyatām |
    kīrtiḥ śrīrvākca nārīṇāṃ smṛtirmedhā dhṛtiḥ kṣamā ||

    I am all-seizing death and the source of all that is yet to be. Among feminine powers I am fame, prosperity, speech, memory, intelligence, steadfastness and forbearance.

35. 10.35 · Krishna

    बृहत्साम तथा साम्नां गायत्री छन्दसामहम् ।
    मासानां मार्गशीर्षोऽहमृतूनां कुसुमाकरः ॥

    bṛhatsāma tathā sāmnāṃ gāyatrī chandasāmaham |
    māsānāṃ mārgaśīrṣo’hamṛtūnāṃ kusumākaraḥ ||

    Among the Sama hymns I am the Brihat Saman; among metres, the Gayatri; among months I am Margashirsha; among seasons, flower-bearing spring.

36. 10.36 · Krishna

    द्यूतं छलयतामस्मि तेजस्तेजस्विनामहम् ।
    जयोऽस्मि व्यवसायोऽस्मि सत्त्वं सत्त्ववतामहम् ॥

    dyūtaṃ chalayatāmasmi tejastejasvināmaham |
    jayo’smi vyavasāyo’smi sattvaṃ sattvavatāmaham ||

    Of cheats I am gambling; I am the splendour of the splendid. I am victory, I am resolve, I am the goodness of the good.

37. 10.37 · Krishna

    वृष्णीनां वासुदेवोऽस्मि पाण्डवानां धनंजयः ।
    मुनीनामप्यहं व्यासः कवीनामुशना कविः ॥

    vṛṣṇīnāṃ vāsudevo’smi pāṇḍavānāṃ dhanaṃjayaḥ |
    munīnāmapyahaṃ vyāsaḥ kavīnāmuśanā kaviḥ ||

    Among the Vrishnis I am Vasudeva; among the Pandavas, Dhananjaya; among sages I am Vyasa; among seer-poets, the poet Ushanas.

38. 10.38 · Krishna

    दण्डो दमयतामस्मि नीतिरस्मि जिगीषताम् ।
    मौनं चैवास्मि गुह्यानां ज्ञानं ज्ञानवतामहम् ॥

    daṇḍo damayatāmasmi nītirasmi jigīṣatām |
    maunaṃ caivāsmi guhyānāṃ jñānaṃ jñānavatāmaham ||

    Of those who restrain, I am the rod of discipline; of those who seek victory, I am sound policy. Of secrets I am silence, and I am the knowledge of the wise.

39. 10.39 · Krishna

    यच्चापि सर्वभूतानां बीजं तदहमर्जुन ।
    न तदस्ति विना यत्स्यान्मया भूतं चराचरम् ॥

    yaccāpi sarvabhūtānāṃ bījaṃ tadahamarjuna |
    na tadasti vinā yatsyānmayā bhūtaṃ carācaram ||

    Whatever is the seed of all beings, that too am I, Arjuna. There is nothing, moving or unmoving, that could exist without me.

40. 10.40 · Krishna

    नान्तोऽस्ति मम दिव्यानां विभूतीनां परन्तप ।
    एष तूद्देशतः प्रोक्तो विभूतेर्विस्तरो मया ॥

    nānto’sti mama divyānāṃ vibhūtīnāṃ parantapa |
    eṣa tūddeśataḥ prokto vibhūtervistaro mayā ||

    There is no end to my divine glories, scorcher of foes. What I have described is only a brief indication of their vastness.

41. 10.41 · Krishna

    यद्यद्विभूतिमत्सत्त्वं श्रीमदूर्जितमेव वा ।
    तत्तदेवावगच्छ त्वं मम तेजोंऽशसंभवम् ॥

    yadyadvibhūtimatsattvaṃ śrīmadūrjitameva vā |
    tattadevāvagaccha tvaṃ mama tejoṃ’śasaṃbhavam ||

    Whatever being is glorious, prosperous or powerful, know that it has sprung from a mere spark of my splendour.

42. 10.42 · Krishna

    अथवा बहुनैतेन किं ज्ञातेन तवार्जुन ।
    विष्टभ्याहमिदं कृत्स्नमेकांशेन स्थितो जगत् ॥

    athavā bahunaitena kiṃ jñātena tavārjuna |
    viṣṭabhyāhamidaṃ kṛtsnamekāṃśena sthito jagat ||

    But what need is there for you to know all this in detail, Arjuna? I stand supporting this entire universe with a single fraction of myself.