Bhagavad Gita · Chapter 7 of 18

Jnana Vijnana Yoga

ज्ञानविज्ञानयोग — The Yoga of Knowledge and Realisation · 30 verses

All 30 verses

Sanskrit, transliteration and English meaning for every verse.

1. 7.1 · Krishna

   मय्यासक्तमनाः पार्थ योगं युञ्जन्मदाश्रयः ।
   असंशयं समग्रं मां यथा ज्ञास्यसि तच्छृणु ॥

   mayyāsaktamanāḥ pārtha yogaṃ yuñjanmadāśrayaḥ |
   asaṃśayaṃ samagraṃ māṃ yathā jñāsyasi tacchṛṇu ||

   The Lord said: Listen, son of Pritha, how — with your mind attached to me, practising yoga and taking refuge in me — you will know me fully and without doubt.

2. 7.2 · Krishna

   ज्ञानं तेऽहं सविज्ञानमिदं वक्ष्याम्यशेषतः ।
   यज्ज्ञात्वा नेह भूयोऽन्यज्ज्ञातव्यमवशिष्यते ॥

   jñānaṃ te’haṃ savijñānamidaṃ vakṣyāmyaśeṣataḥ |
   yajjñātvā neha bhūyo’nyajjñātavyamavaśiṣyate ||

   I will teach you this knowledge in full, together with its realisation; once it is known, nothing further remains to be known here.

3. 7.3 · Krishna

   मनुष्याणां सहस्रेषु कश्चिद्यतति सिद्धये ।
   यततामपि सिद्धानां कश्चिन्मां वेत्ति तत्त्वतः ॥

   manuṣyāṇāṃ sahasreṣu kaścidyatati siddhaye |
   yatatāmapi siddhānāṃ kaścinmāṃ vetti tattvataḥ ||

   Among thousands of people, hardly one strives for perfection; and of those who strive and succeed, hardly one knows me as I truly am.

4. 7.4 · Krishna

   भूमिरापोऽनलो वायुः खं मनो बुद्धिरेव च ।
   अहंकार इतीयं मे भिन्ना प्रकृतिरष्टधा ॥

   bhūmirāpo’nalo vāyuḥ khaṃ mano buddhireva ca |
   ahaṃkāra itīyaṃ me bhinnā prakṛtiraṣṭadhā ||

   Earth, water, fire, air, space, mind, intellect and ego — these are the eight divisions of my nature (prakriti).

5. 7.5 · Krishna

   अपरेयमितस्त्वन्यां प्रकृतिं विद्धि मे पराम् ।
   जीवभूतां महाबाहो ययेदं धार्यते जगत् ॥

   apareyamitastvanyāṃ prakṛtiṃ viddhi me parām |
   jīvabhūtāṃ mahābāho yayedaṃ dhāryate jagat ||

   This is my lower nature. But know that beyond it I have another, higher nature, mighty-armed one: the life-principle by which this world is sustained.

6. 7.6 · Krishna

   एतद्योनीनि भूतानि सर्वाणीत्युपधारय ।
   अहं कृत्स्नस्य जगतः प्रभवः प्रलयस्तथा ॥

   etadyonīni bhūtāni sarvāṇītyupadhāraya |
   ahaṃ kṛtsnasya jagataḥ prabhavaḥ pralayastathā ||

   Understand that all beings have these two as their source. I am the origin of the entire universe, and its dissolution as well.

7. 7.7 · Krishna · key verse

   मत्तः परतरं नान्यत्किञ्चिदस्ति धनञ्जय ।
   मयि सर्वमिदं प्रोतं सूत्रे मणिगणा इव ॥

   mattaḥ parataraṃ nānyatkiñcidasti dhanañjaya |
   mayi sarvamidaṃ protaṃ sūtre maṇigaṇā iva ||

   There is nothing higher than me, Arjuna. All this is strung on me like pearls on a thread.

8. 7.8 · Krishna

   रसोऽहमप्सु कौन्तेय प्रभास्मि शशिसूर्ययोः ।
   प्रणवः सर्ववेदेषु शब्दः खे पौरुषं नृषु ॥

   raso’hamapsu kaunteya prabhāsmi śaśisūryayoḥ |
   praṇavaḥ sarvavedeṣu śabdaḥ khe pauruṣaṃ nṛṣu ||

   I am the taste in water, son of Kunti, the light in the moon and the sun; I am the sacred syllable Om in all the Vedas, the sound in space and the manhood in men.

9. 7.9 · Krishna

   पुण्यो गन्धः पृथिव्यां च तेजश्चास्मि विभावसौ ।
   जीवनं सर्वभूतेषु तपश्चास्मि तपस्विषु ॥

   puṇyo gandhaḥ pṛthivyāṃ ca tejaścāsmi vibhāvasau |
   jīvanaṃ sarvabhūteṣu tapaścāsmi tapasviṣu ||

   I am the pure fragrance of the earth and the brilliance in fire; I am the life in all beings and the austerity in ascetics.

10. 7.10 · Krishna

    बीजं मां सर्वभूतानां विद्धि पार्थ सनातनम् ।
    बुद्धिर्बुद्धिमतामस्मि तेजस्तेजस्विनामहम् ॥

    bījaṃ māṃ sarvabhūtānāṃ viddhi pārtha sanātanam |
    buddhirbuddhimatāmasmi tejastejasvināmaham ||

    Know me, son of Pritha, as the eternal seed of all beings. I am the intelligence of the intelligent and the radiance of the radiant.

11. 7.11 · Krishna

    बलं बलवतां चाहं कामरागविवर्जितम् ।
    धर्माविरुद्धो भूतेषु कामोऽस्मि भरतर्षभ ॥

    balaṃ balavatāṃ cāhaṃ kāmarāgavivarjitam |
    dharmāviruddho bhūteṣu kāmo’smi bharatarṣabha ||

    Of the strong, I am the strength that is free from desire and passion; and in beings I am the desire that does not run against dharma, best of the Bharatas.

12. 7.12 · Krishna

    ये चैव सात्त्विका भावा राजसास्तामसाश्च ये ।
    मत्त एवेति तान्विद्धि न त्वहं तेषु ते मयि ॥

    ye caiva sāttvikā bhāvā rājasāstāmasāśca ye |
    matta eveti tānviddhi na tvahaṃ teṣu te mayi ||

    Whatever states of being there are — of goodness (sattva), passion (rajas) or dullness (tamas) — know that they arise from me alone. Yet I am not in them; they are in me.

13. 7.13 · Krishna

    त्रिभिर्गुणमयैर्भावैरेभिः सर्वमिदं जगत् ।
    मोहितं नाभिजानाति मामेभ्यः परमव्ययम् ॥

    tribhirguṇamayairbhāvairebhiḥ sarvamidaṃ jagat |
    mohitaṃ nābhijānāti māmebhyaḥ paramavyayam ||

    Deluded by these three states formed of the gunas (qualities of nature), this whole world fails to recognise me, who am beyond them and imperishable.

14. 7.14 · Krishna

    दैवी ह्येषा गुणमयी मम माया दुरत्यया ।
    मामेव ये प्रपद्यन्ते मायामेतां तरन्ति ते ॥

    daivī hyeṣā guṇamayī mama māyā duratyayā |
    māmeva ye prapadyante māyāmetāṃ taranti te ||

    This divine power of illusion (maya) of mine, made of the gunas, is hard to cross. Only those who take refuge in me pass beyond it.

15. 7.15 · Krishna

    न मां दुष्कृतिनो मूढाः प्रपद्यन्ते नराधमाः ।
    माययापहृतज्ञाना आसुरं भावमाश्रिताः ॥

    na māṃ duṣkṛtino mūḍhāḥ prapadyante narādhamāḥ |
    māyayāpahṛtajñānā āsuraṃ bhāvamāśritāḥ ||

    Evildoers, the deluded and the lowest of people do not take refuge in me; their understanding is stolen by illusion and they cling to a demonic nature.

16. 7.16 · Krishna

    चतुर्विधा भजन्ते मां जनाः सुकृतिनोऽर्जुन ।
    आर्तो जिज्ञासुरर्थार्थी ज्ञानी च भरतर्षभ ॥

    caturvidhā bhajante māṃ janāḥ sukṛtino’rjuna |
    ārto jijñāsurarthārthī jñānī ca bharatarṣabha ||

    Four kinds of virtuous people worship me, Arjuna: the distressed, the seeker of knowledge, the seeker of wealth, and the one who knows, best of the Bharatas.

17. 7.17 · Krishna

    तेषां ज्ञानी नित्ययुक्त एकभक्तिर्विशिष्यते ।
    प्रियो हि ज्ञानिनोऽत्यर्थमहं स च मम प्रियः ॥

    teṣāṃ jñānī nityayukta ekabhaktirviśiṣyate |
    priyo hi jñānino’tyarthamahaṃ sa ca mama priyaḥ ||

    Of these, the one who knows, ever steadfast and devoted to me alone, stands out. For I am exceedingly dear to the one who knows, and he is dear to me.

18. 7.18 · Krishna

    उदाराः सर्व एवैते ज्ञानी त्वात्मैव मे मतम् ।
    आस्थितः स हि युक्तात्मा मामेवानुत्तमां गतिम् ॥

    udārāḥ sarva evaite jñānī tvātmaiva me matam |
    āsthitaḥ sa hi yuktātmā māmevānuttamāṃ gatim ||

    All of these are noble, but the one who knows I regard as my very Self; for, with his self united in yoga, he is set on me alone as the highest goal.

19. 7.19 · Krishna · key verse

    बहूनां जन्मनामन्ते ज्ञानवान्मां प्रपद्यते ।
    वासुदेवः सर्वमिति स महात्मा सुदुर्लभः ॥

    bahūnāṃ janmanāmante jñānavānmāṃ prapadyate |
    vāsudevaḥ sarvamiti sa mahātmā sudurlabhaḥ ||

    At the end of many births, the wise one takes refuge in me, realising that Vasudeva is all. Such a great soul is very rare.

20. 7.20 · Krishna

    कामैस्तैस्तैर्हृतज्ञानाः प्रपद्यन्तेऽन्यदेवताः ।
    तं तं नियममास्थाय प्रकृत्या नियताः स्वया ॥

    kāmaistaistairhṛtajñānāḥ prapadyante’nyadevatāḥ |
    taṃ taṃ niyamamāsthāya prakṛtyā niyatāḥ svayā ||

    Those whose understanding has been carried away by this desire or that turn to other gods, following one rule or another, bound by their own nature.

21. 7.21 · Krishna

    यो यो यां यां तनुं भक्तः श्रद्धयार्चितुमिच्छति ।
    तस्य तस्याचलां श्रद्धां तामेव विदधाम्यहम् ॥

    yo yo yāṃ yāṃ tanuṃ bhaktaḥ śraddhayārcitumicchati |
    tasya tasyācalāṃ śraddhāṃ tāmeva vidadhāmyaham ||

    Whatever form a devotee wishes to worship with faith, it is I who make that person’s faith in it unwavering.

22. 7.22 · Krishna

    स तया श्रद्धया युक्तस्तस्याराधनमीहते ।
    लभते च ततः कामान्मयैव विहितान्हि तान् ॥

    sa tayā śraddhayā yuktastasyārādhanamīhate |
    labhate ca tataḥ kāmānmayaiva vihitānhi tān ||

    Endowed with that faith, he seeks to worship that form, and from it he obtains what he desires — yet those benefits are granted by me alone.

23. 7.23 · Krishna

    अन्तवत्तु फलं तेषां तद्भवत्यल्पमेधसाम् ।
    देवान्देवयजो यान्ति मद्भक्ता यान्ति मामपि ॥

    antavattu phalaṃ teṣāṃ tadbhavatyalpamedhasām |
    devāndevayajo yānti madbhaktā yānti māmapi ||

    But the fruit gained by those of small understanding is perishable. Worshippers of the gods go to the gods; my devotees come to me.

24. 7.24 · Krishna

    अव्यक्तं व्यक्तिमापन्नं मन्यन्ते मामबुद्धयः ।
    परं भावमजानन्तो ममाव्ययमनुत्तमम् ॥

    avyaktaṃ vyaktimāpannaṃ manyante māmabuddhayaḥ |
    paraṃ bhāvamajānanto mamāvyayamanuttamam ||

    The unwise think of me, the unmanifest, as having taken on a manifest form, not knowing my higher being, which is imperishable and supreme.

25. 7.25 · Krishna

    नाहं प्रकाशः सर्वस्य योगमायासमावृतः ।
    मूढोऽयं नाभिजानाति लोको मामजमव्ययम् ॥

    nāhaṃ prakāśaḥ sarvasya yogamāyāsamāvṛtaḥ |
    mūḍho’yaṃ nābhijānāti loko māmajamavyayam ||

    I am not revealed to everyone, veiled as I am by my power of yoga-maya. This deluded world does not recognise me, the unborn and imperishable.

26. 7.26 · Krishna

    वेदाहं समतीतानि वर्तमानानि चार्जुन ।
    भविष्याणि च भूतानि मां तु वेद न कश्चन ॥

    vedāhaṃ samatītāni vartamānāni cārjuna |
    bhaviṣyāṇi ca bhūtāni māṃ tu veda na kaścana ||

    I know the beings of the past, of the present and of the future, Arjuna; but no one knows me.

27. 7.27 · Krishna

    इच्छाद्वेषसमुत्थेन द्वन्द्वमोहेन भारत ।
    सर्वभूतानि संमोहं सर्गे यान्ति परन्तप ॥

    icchādveṣasamutthena dvandvamohena bhārata |
    sarvabhūtāni saṃmohaṃ sarge yānti parantapa ||

    Through the delusion of the pairs of opposites, which arises from desire and aversion, all beings fall into bewilderment at birth, Bharata, scorcher of foes.

28. 7.28 · Krishna

    येषां त्वन्तगतं पापं जनानां पुण्यकर्मणाम् ।
    ते द्वन्द्वमोहनिर्मुक्ता भजन्ते मां दृढव्रताः ॥

    yeṣāṃ tvantagataṃ pāpaṃ janānāṃ puṇyakarmaṇām |
    te dvandvamohanirmuktā bhajante māṃ dṛḍhavratāḥ ||

    But people of virtuous deeds, whose sin has come to an end, are freed from the delusion of opposites and worship me with firm resolve.

29. 7.29 · Krishna

    जरामरणमोक्षाय मामाश्रित्य यतन्ति ये ।
    ते ब्रह्म तद्विदुः कृत्स्नमध्यात्मं कर्म चाखिलम् ॥

    jarāmaraṇamokṣāya māmāśritya yatanti ye |
    te brahma tadviduḥ kṛtsnamadhyātmaṃ karma cākhilam ||

    Those who take refuge in me and strive for freedom from old age and death come to know Brahman, the whole of the inner Self, and all of karma (action).

30. 7.30 · Krishna

    साधिभूताधिदैवं मां साधियज्ञं च ये विदुः ।
    प्रयाणकालेऽपि च मां ते विदुर्युक्तचेतसः ॥

    sādhibhūtādhidaivaṃ māṃ sādhiyajñaṃ ca ye viduḥ |
    prayāṇakāle’pi ca māṃ te viduryuktacetasaḥ ||

    Those who know me as the basis of the material realm, of the divine realm and of sacrifice, with their minds steadfast, know me even at the hour of death.